O río Inrique cando o mundo xa estaba pasado a tinta.
LEVA UN CÓMIC!
20 Out
Pois si: entre as moitas sorpresas que leva Mil Cousas Libro Dous hai un cómic! Encántanme as mesturas. Góstame moito cando no medio dun libro aparecen páxinas de cómic, ou cando no medio dun cómic aparecen páxinas de libro. Con estas viñetas que tedes aquí comezan unhas cantas páxinas nas que conto a historia do canario Chals utilizando a nobre arte da Banda Deseñada. E con rimas!
Moco estelar
19 Out
Astronomía Propicia: estrelas descendentes, pedras estrelas, estrelas durmintes e moco estelar. Cada día suceden prodixios no cosmos!
Outro anaco do mundo
18 Out
O mundo é grande. Os acontecementos que se describen en Mil Cousas 2 fan que precisemos dun novo mapa: velaí outro anaco do mundo.
Cambios de profesión
14 Out
Unha das mil cousas que pasan en Mil Cousas libro I é que na vila de Nil se produce un cambio masivo de profesións. A xente cambia de traballo en cadea. En Mil Cousas libro II imos ver os resultados deses cambios. E tamén que a cousa non se detén.
A viaxe de volta
13 Out
Unha das cousas que se contan en Mil Cousas Poden Pasar, libro II, é a viaxe de volta de Lina e Pouco á vila de Nil. O mesmo camiño que á ida, pero ao revés; …e moito máis accidentado.
Canarios cantores
12 OutEn Mil Cousas 2, o canario Chals pode por fin contar a súa historia, aquela na que se relata cómo é que o Val das Nove Fontes está cheo de canarios procedentes da arredada Selva dos Recendos. O xeito en que Chals narra o conto é unha das grandes sorpresas que poderedes ler en Mil Cousas 2.
Mentres tanto aquí vai a arte doutro abraiante canario cantor. É unha animación de Juergen Haas utilizando a técnica da stop motion:
lapis, tinta e cor
10 Out
Lembrades a Neda e Mercurín? En Mil Cousas Poden Pasar, libro II, atopan no fondo do mar unha alga moi extraña.
Rabindranata
9 Out
Este é Rabindranata, un axente dos corpos e forzas de seguridade do concello de Nil. Un dos novos secundarios de Mil Cousas poden pasar, libro II
