Un saúdo aos rapaces e rapazas do Juan Fernández Latorre de A Coruña! Grazas a Antía e a Cristian polos debuxos! E moitísimas grazas polas vosas opinións sobre ” Mil cousas poden pasar” (esas sí que son boas críticas!). Estou rematando de escribir o Libro II, e agardo que podamos repetir visita para falar del. Forte aperta compañeiros!
No Blog da biblioteca do Ceip Quintela fixeron unha fermosa presentación (picade na imaxe ) sobre a miña visita ao centro. Nela podemos ver cómo se prepara a visita ( procurando información, decorando, etc) ata como se remata ( recollendo e ordenando a biblioteca). E no medio falamos, debuxamos, adiantamos “exclusivas” e rimos a conta de ” Mil cousas poden pasar”. E con debuxos de agasallo que podedes ver aquí abaixo (picade nos peixes, picade). Moitísimas grazas, noraboa e un saúdo a Quintela!!
Xa saiu do prelo a Segunda Edición de Mil Cousas poden pasar.
(actualización: decembro 2010, 3ª edición.)
(outra actualización: xullo 2011, 4ª edición)
Moitas grazas por papar a Primeira!!
A Biblioteca do Ceip Milladoiro de Malpica montou unha exposición e unha publicación virtual na que moita xente do espectáculo, do deporte ou dos medios de comunicación recomenda algún libro especial na súa vida. Eu falei de ” O conde de Montecristo” de Alejandro Dumas. Unha vez máis vaian os meus parabéns para o equipo desta Biblioteca Escolar polo seu fabuloso traballo de sempre! Bicos para Malpica!
Aquí tedes algúns dos fermosos traballos dos meus amigos do Lope de Vega de Vigo. Saúdos e que pasedes boas festas de fin de curso!
